உள்ளுராட்சி மன்றங்களில் தமிழ் மக்கள் விடுதலைப் புலிகள் தனித்து போட்டி - East Time | Bringing news stories that are relevant from Sri Lanka, with a focus on East

East Time | Bringing news stories that are relevant from Sri Lanka, with a focus on East

East Times:Bringing news stories from Sri Lanka

தலைப்புச் செய்திகள்

Home Top Ad

Responsive Ads Here

Post Top Ad

Responsive Ads Here

Saturday, November 25, 2017

உள்ளுராட்சி மன்றங்களில் தமிழ் மக்கள் விடுதலைப் புலிகள் தனித்து போட்டி



மட்டக்களப்பு மாவட்டத்திலுள்ள உள்ளுராட்சி மன்றங்களில் தமிழ் மக்கள் விடுதலைப் புலிகள் கட்சி தனித்து போட்டியிடும் என முன்னாள் கிழக்கு மாகாண சபை உறுப்பினரும், கட்சியின் பிரதி தலைவருமான நா.திரவியம் தெரிவித்தார். 

வாழைச்சேனை பிரதேச செயலக பிரிவிற்குட்பட்ட பெண்களுக்கு வாழ்வாதார உதவிகள் வழங்கும் நிகழ்வு உதவிப் பிரதேச செயலாளர் திருமதி.நிருபா பிருந்தன் தலைமையில் கறுவாக்கேணி சமூக சேவைகள் நிலையத்தில் வெள்ளிக்கிழமை இடம்பெற்ற போது கலந்து கொண்டு உரையாற்றுகையில் மேற்சொன்னவாறு தெரிவித்தார். 

அங்கு அவர் மேலும் தெரிவிக்கையில்- எதிர்வரும் உள்ளுராட்சி மன்ற தேர்தலில் மட்டக்களப்பு மாவட்டத்தில் தமிழ் மக்கள் விடுதலைப் புலிகள் கட்சி தனித்து போட்டியிடும் என்பதில் என்ற மாற்றுக் கருத்தும் கிடையாது. தமிழ் மக்கள் விடுதலைப் புலிகள் கட்சி மாற்றுக் கட்சிகளோடு இணைந்து போட்டியிடுவார்களா? அல்லது எந்த கட்சியோடு இணைவார்கள் என்று இப்போது எல்லோர் மனதிலும் சந்தேகம் எழுந்துள்ளது. ஆனால் கட்சி யாருடனும் இணைந்து போட்டியிடாது. இதற்கு முன்னர் நாங்கள் எந்தக் கட்சிகளோடும் சேர்ந்து இருந்தாலும் எதிர்வரும் உள்ளுராட்சி மன்ற தேர்தல்களில் தனித்தே போட்டியிடும். தமிழ் மக்கள் விடுதலைப் புலிகள் கட்சி இரண்டாக பிரிந்து விட்டது என்று பலர் பேசுகின்றார்கள் அவ்வாறு எப்போதும் இடம்பெறாது என்றார். 

இந்நிகழ்வில் வாழைச்சேனை பிரதேச செயலக சமூக சேவை உத்தியோகத்தர் ஏ.நஜீம், சமூகசேவை அபிவிருத்தி உத்தியோகத்தர் க.ஜெகதீஸ்வரன், சமூக சேவை உத்தியோகத்தர்கள், பயனாளிகள் எனப் பலர் கலந்து கொண்டனர். 

இதன்போது கிழக்கு மாகாண சபை உறுப்பினர்களான சி.சந்திரகாந்தன் மற்றும் நா.திரவியம் ஆகியோரது கிழக்கு மாகாண சபையின் பன்படுகப்படுத்தப்பட்ட மூன்றரை இலட்சம் ரூபாய் நிதியில் இருந்து எட்டு பேருக்கு தையல் இயந்திரங்கள் மற்றும் இரண்டு பேருக்கு மா அரைக்கும் இயந்திரம் என்பன வழங்கி வைக்கப்பட்டது.


No comments:

Post a Comment

Post Bottom Ad

Responsive Ads Here

Pages